Palzlied (vun de „anonyme Giddarischde“) Warscht du ämol uf de Kalmit oder uf de Dahnerhee hoscht du emol omme Herbschdag moins die Newwel steiche seh bischt mol barfuß durch die Wieß gerennt, oder unner Bääm dich bloß hiegelecht die Aache zu un efach bloß geträmt Des wer alles nix besonndres sagscht du un du mischt jetzt geh weil es gäb auser de Palz jo a noch onneres zu seh sicher hoscht du recht wonn du sagscht dass ders onnerschtwu ach gfallt awwer onnerschtwu is onnerscht, und halt net wie in de Palz. Warscht im Summer on em Baggerloch hot dich a Schnog gejuggt un du hoscht de liewe lange dach bloß in die Luft geguggt warscht du owens mit em sunnebrond uf doim Balkon geleh un du hoscht beim sunneunnergang die Schwalbe fliege seh Des wer alles nix besonndres sagscht du un du mischt jetzt geh weil es gäb auser de Palz jo a noch onneres zu seh sicher hoscht du recht wonn du sagscht dass ders onnerschtwu ach gfallt awwer onnerschtwu is onnerscht, und halt net wie in de Palz.…. Kennscht du Trippstadt, Herdlingshause, Grienschtadt, Eiseberch un Forscht hoscht du emol uf nem Woifscht denne Leid dorjat zugehorscht trinkst du gernemol en Schorle un ischt gern e Lewwerworscht gehscht du efters in die Folle un hoscht mehr wie onnre Dorscht Des wer alles nix besonndres sagscht du un du mischt jetzt geh weil es gäb auser de Palz jo a noch onneres zu seh sicher hoscht du recht wonn du sagscht dass ders onnerschtwu ach gfallt awwer onnerschtwu is onnerscht, und halt net wie in de Palz.

 

Producer

Die anonyme Giddarischde

Writers

Thomas Merz, Roman Nagel & Michael Lange