Mundartgedicht Pfalz

Die Palz mit ehre herrlich Pracht,
mit Orte, wo mer Urlaub macht,
die is fer mich wie en Gewinn -
e Gligg, dass ich en Pälzer bin

Bunte Blume, griene Wälder,
Schdolzes Wild un braune Felder,
uff Schusters Rappe uff de Walz -
des is unser schäänie Palz!

Rewe schbrieße iwwerall,
de Briegel is en Schdar am Ball,
Pälzer leit – des is doch wohr -
schdechen immer klar hervor!

Burge, Schlösser, Deeler, Höhe,
alles gibt’s bei uns zu sehe,
guude Mensche mit viel Sinn -
e Gligg, dass ich en Pälzer bin!

Feschde fei’re, Schoppe mache,
uuze, ulke un viel lache,
Kogelores un aach Schbaß -
mer Pälzer sin e klorie Rass’!

Ja sogar de Petrus schnallt’s!
un er ruft aus vollem Hals:
Gäb’s die Palz net uff de Erd’ -
wär die Welt die Hälft’ nor wert!

Falls ich in de Himel kumm,
redd’ ich garnet lang drumrum.
Ich saach em Herrgott klipp un klar:
Danke, dass ich en Pälzer war!

(Mundartdichter Walter Andre)

Gutselstand auf der Dannstädter Höh

Mei Mudder hot en Gutselstanddo drowwe uff de Dannstadter Höh
do kummt so en Hewwel mit me Knewwel in de Hand
un häät meine Mudder in de Gutselstand

Haili Hailo, Haili Hailo
s'isch traurich aber wahr,
im ganze Land känn Gutselstand, wie meiner Mudder ehrer änner war
im ganze Land känn Gutselstand, wie meiner Mudder ehrer änner war

Hochdeutsch
meine Mutti hat nen Bonbonstand
da droben auf der Dannstadter Höhe
da kommt so ein Flegel mit nem Knebel in der Hand
und haut meiner Mutti in den Bonbonstand

I n Englisch
My Mother has a Ghewing Gum Stand
up on the Dännstädter hili
ther's coming such a Krippel with his Knippel in his hand
and wigsd my mother in the Ghewing Gum Stand

en Francais
Mon Mere hot e Boutiqe de Bonboniere
a I'haut de Montmatre a Paris
venait un Gamin, avec un Pondin
e bat mon Mere in'd Boutiqe de Bonboniere

in Italiano
Mia Madre ha una Baracca di Garamelie
la su della Roma montana
Veniva un Monello , con un Randello della mano
e spacca la Baracca di Garamelie mia Madre

nuro Polski
Moia Matka miaua jeden Zucki Watscha Stroda
oba Warzschawa Gun
in schischwa tschewa tschika mit me Knippel in de Bibbel
un knubbeld moja Matka in de Zucki Watscha Stroda

Die Rhei(n)schanz un ehrn Unnergang

vor Zeide hot in Mannem als
Regiert de Kurferscht vun de Palz.
Un daß'n kääns vum Rhein) her ritzt,
Hot der sich durch e Feschdung g'schitzt.

Die war als b'setzt mit Milidär, Aa mit Kanon" un Schießgewehr".
Des Bollwerk links am Uferstrand
heit als Rhei(n)schanz noch bekannt.

Durch Kriege war se oft vebeilt,
De Kurferscht hot vor Wut als g"heilt.

Siebzehhunnertachdesibzisch (1778)
War`er Erwe un glei bayrisch.
In Minche - mit de Palz als Pand -
er regiert dann's Bayernland.

Drum war's Schloß Mannem nimmi b'setzt,
Rhei(n)schanz iwwerflissisch jetzt
Un dodurch aa vebei die Zeit
Mit all der Kurpalzherrlichkeit.

in Paris henn mit Gebrill
Franzose g"stirmt g"hatt" die Baschdill,

Dann hennse' do noch in Terrää
Grad alles g"haage kort un klää.

Die henn gedoobt un aa gebrennt,
Die Rhei(n)schanz g'schlääft un noch getrennt
Die Kurpalz ganz noo(ch) denn' ehrm Drill
Mit dem Vetraag vun Lunevill

Ään Landesdääl jetzt badisch war
un unser Palz franzeesisch gar. -
Gebliwwe is die "fliegend' Brick"
Uf Mannem niwwer un zurick.